सत्ता गठबन्धनको बैठक निष्कर्षविहीन, भोलि १० बजे फेरि बस्ने
काठमाडौं । सत्तारूढ गठबन्धनको बैठक विना निष्कर्ष सकिएको छ ।
बिहीबार साँझ बालुवटारमा बसेको बैठकमा गम्भीर रूपमा छलफल भएपनि कुनै निष्कर्ष भने नआएको सरकारका प्रवक्ता ज्ञानेन्द्रबहादुर कार्कीले जानकारी दिए ।
उनले संसद् सुचारुका विषयमा गम्भीर रूपमा छलफल भएको जानकारी दिए ।
बैठक करिब ३ घण्टा चलेको थियो ।
एमसीसी फागुन १६ गतेभित्र जसरी पनि निष्कर्ष पुर्याउने भन्नेबारे छलफल भएको उनले बताए ।
सत्ता गठबन्धनका शीर्ष नेताहरूको बैठक भोलि बिहान १० बजे फेरि बस्ने उनले बताए ।
