सि लेबल ब्याडमिन्टन प्रतियोगिता हुदै

बुटवल,२० माघ।तेस्रो खुला सि लेबल ब्याडमिन्टन प्रतियोगिता फागुन १३ गते शनिबार हुने भएको छ । लियो क्लब अफ भलबारी सिटिको आयोजनामा तिलोत्तमा १६ मधौलिया ब्याडमिन्टन हलमा प्रतियोगिता हुन लागेको हो।
प्रतियोगीतामा सहभागीताको लागि आयोजकले आग्रह गरेको छ। आफ्नो क्षमता प्रस्तुत गर्दै ब्याडमिन्टन खेलमा भविष्य बनाउन खोजेका खेलाडीहरुको बिचमा प्रतिस्पर्धा हुने क्लब अध्यक्ष मधु भण्डारीले जानकारी दिइन।
उनले अहिलेसम्मको कुनैपनी प्रतियोगितामा भाग लिएर प्रथम वा द्वितीय भएकाहरुलाई प्रतियोगितामा सहभागी नगराईने बताईन।
४०-५० टिमको सहभागीता रहने अपेक्षा गरेको बताउदै उनले फाल्गुन ११ गते बिहान १० बजेभित्र नै नाम दर्ता गर्न आग्रह गरिन।
खेल संयोजक नितेस जैसवालले प्रतियोगितामा खेलाडीहरुलाई नाम दर्ताको लागि २ हजार तोकिएको बताउदै प्रथम, द्वितीय र तृतीय हुनेलाई क्रमशः ३० हजार,२० हजार र १० हजार नगद, शिल्ड, मेडल र प्रमाणपत्र प्रदान गरिने जानकारी दिए।
उनले उत्कृष्ट खेलाडी, उदयमान खेलाडीहरुलाइ विषयगत पुरस्कार र क्वाटर फाईनल सम्म पुग्ने टिमलाई पनि बिशेष सम्मान गरिने जानकारी दिए।

#खेल #खेलकुद #ब्याटमिन्टन प्रतियोगिता