एनएमबि बैंक सुनवलद्वारा भगवती स्कुललाइ सिसिटिभी क्यामेरा प्रदान 

अर्जुन ज्ञवाली / नवलपरासी ।  एनएमबि बैंकको सुनवल शाखा कार्यालयले सुनवल बनकट्टी स्थित भगवती माध्यमिक विद्यालयलाइ सिसिटिभि क्यामेरा  प्रदान गरेकोछ । 

विद्यालयको सुरक्षालाइ ध्यानमा राख्दै सिसिटिभि क्यामेरा प्रदान गरिएको एनएमबि बैंक सुनवल शाखा प्रबन्धक अर्जुन ज्ञवालीले जानकारी दिनुभयो ।

भगवती माध्यमिक विद्यालय व्यवस्थापन समितिका अध्यक्ष  तुल बहादुर पौडेल, प्राचार्य बाबुराम पाण्डे, शिक्षक अभिभावक संघका अध्यक्ष पुर्ण बहादुर बिक, व्यवस्थापन समिति सदस्य लक्षमण तिवारी, सहायक प्राचार्य  हेमराज पौडेल,  लेखा अधिकृत गम्भीर खड्का, शिक्षक, बैंकका कर्मचारी दिनेश वस्याल, अमित गैरे तथा अभिभावकहरुको उपस्थितिमा एनएमबि बैंक लुम्बिनी प्रदेश प्रमुख शम्भुप्रसाद पराजुली, सिनियर एरिया म्यानेजर मेघराज तिमिसिना र शाखा प्रबन्धक अर्जुन ज्ञवालीले सिसिटिभि क्यामेरा विद्यालयलाइ हस्तान्तरण गर्नुभएकोथियो । 

विद्यालयका प्राचार्य बाबुराम पाण्डेले एनएमबि बैंक सुनवलले उत्कृष्ट  बैकिङ्ग सेवासगै सामाजिक उत्तरदायित्व  कार्यक्रमको लागि भगवती विद्यालयलाइ सिसिटिभि क्यामेरा प्रदान गरि सह्रानिय कार्य गरेकोमा आभार व्यक्त गर्नुभयो। उहाँले सिसिटिभि क्यामेराले विद्यालय हातामा हुने चोरिका घटनाहरु अब उपरान्त नहुने विश्वास व्यक्त गर्नुभयो।

त्यस्तै एनएमबि बैंकका लुम्बिनी प्रदेश प्रमुख शम्भुप्रसाद पराजुलीले नेपालको एक अग्रणी वाणिज्य बैंक एनएमबि बैंकले भगवती विद्यालयलाइ  सिसिटिभि हस्तान्तरण गर्न पाउदा खुशी व्यक्त गर्दै  सामाजिक उत्तरदायित्व अन्तरगत विगत देखि नै महत्त्वपूर्ण सहयोग प्रदान गर्दै आइरहेको  र आगामी दिनहरुमा पनि सहयोगका थप कार्यक्रमहरु अगाडि बढाइने प्रतिबद्धता व्यक्त गर्नुभयो ।

एनएमबि बैंक लुम्बिनी प्रदेशका सिनियर एरिया म्यानेजर मेघराज तिमिसिनाले भगवती विद्यालयमा चोरीका घटना भैइरहेको जानकारी पाइसकेपछि सिसिटिभि क्यामेरा जडानको लागि अग्रसर भएको उल्लेख गर्दै सिसिटिभि क्यामेरा जडान पछी चोरीका घटनामा कमि आउने र चोरी भइहालेपनि चोर पत्ता लगाउन सजिलो हुन बताउनुभयो ।