चुनाव हारिएला तर अब कसैसँग टाँसिएर चुनाव लड्दैनौँ : गगन थापा
0
0
बुटवल । नेपाली कांग्रेसका महामन्त्री गगनकुमार थापाले अबको चुनावमा कुनै दलसँग चुनावी सहकार्य नगर्ने बताएका छन् । नेपाली कांग्रेस चुनाव हार्न पनि तयार रहेको बताउँदै उनले चुनाव हारिएलाकी भनेर चुनाव अगाडि नै कुनै पनि दलसँग चुनावी एकता गर्ने बताए ।
Advertisement
समुदायमा कांग्रेस अभियानअन्तर्गत बिहीबार रुपन्देहीको क्षेत्र नं १ रोहिणी गाउँपालिकाको धकधईमा भएको संवाद यात्रालाई सम्बोधन गर्दै महामन्त्री थापाले भने, ‘हामीबाट विगतमा केही गल्ती पनि भएका छन्, त्यसलाई सुधार गर्ने हो, गल्ती भयो भनेर माफी माग्ने हो, पार्टीलाई सुधार गर्न सकिन्छ, चुनाव हारिएला तर अब कसैसँग टाँसिएर चुनाव लड्दैनौँ ।’
उनले विगतमा कसैसँग मिलेर चुनाव नलडेको भए अहिले देशमा कांग्रेस र कम्युनिस्ट पार्टी मात्रै बाँकी रहने र साना दलको पसल बन्द भइसक्ने बताउँदै त्यसो हुँदा मुलुक पनि सकारात्मक दिशामा अगाडि बढ्ने बताए । उनले अब काँग्रेसले त्यो गल्ती नदोहोर्याउने बताए ।
उनले माओवादीतिर लक्षित गर्दै कहिले कांग्रेसलाई देखाएर र कहिले एमालेलाई देखाएर साना दलले बार्गेनिङ गरिरहेको बताउँदै त्यो खेल अब समाप्त भएको बताए ।
कांग्रेस महामन्त्री थापाको हुलाकी मार्ग केन्द्रीत संवाद यात्राको दोस्रो चरणको कार्यक्रम बिहीबार नवलपरासीबाट सुरु भएको हो । नवलपरासीबाट दिउँसो रुपन्देही आएका थापाले धकधईमा स्थानीयसँग सुझाव संकलन गरे भने भैरहवामा सिद्धार्थनगर उद्योग वाणिज्य संघमा उद्योगी व्यवसायीसंग उनीहरूका समस्या लगायतका विषयमा सुझाव लिए ।
प्रतिकृया दिनुहोस्
सम्बन्धित समाचार
- बुटवलमा हिरोको दुई मोटरसाईकल एक्स्ट्रिम १२५ आर र एक्स्ट्रिम १६० फोरभी आरको लन्च
- सूर्यदर्शन सहकारी ठगी : धरौटीमा छुटेकालाई थुनामा पठाउन उच्चमा निवेदन
- पातले छाँगोको प्रवेशद्वारमा महानगरको ताला
- कालिका टोल आमा समुहद्रारा नन्दिनी गौशालामा गाइ गोरुलाई खाध्यान्न बस्तु सहयोग
- लमजुङ समाज पोर्चुगलको आयोजनामा तमु ल्होसार कार्यक्रम हुने
- पोखरामा स्काई डाइभिङ शुरु
- रोटरी क्लब तिनाउ बुटवलको नवौं स्थापना दिवस : आँखा जाँच शिविर सम्पन्न
- सकियो बुटवलको औद्योगिक व्यापार मेला
- चर्चित बालगायक सचिन परियारको निधन
- पोखरामा नयाँ वर्ष २०२५ को भव्य स्वागत
लेखकको सम्वन्धमा