लायन्स क्लब अफ सैनामैना स्टारमा पदभार ग्रहण, अध्यक्ष

पोखरेलद्वारा पहिलो कार्यक्रम बृक्षारोपण गर्ने घोषणा
बुटवल । लायन्स क्लब अफ सैनामैना स्टार को २०२३/२४ को लागि शिवराज पोख्रेलले पदभार ग्रहण गरेका छन।शुक्रवार साझ एक कार्यक्रमका बीच लायन्स क्लब अफ सैनामैना स्टार का २२/२३ का अध्यक्ष देबि प्रसाद पाण्डेले २३/३४ को अध्यक्ष को लागि पोखरेललाई पद हस्तान्तरण गरेका हुन।
क्लबको प्रथम उपाध्यक्षमा टामलाल न्यौपाने, दृतिय उपाध्यक्षमा जीवन घिमिरे, सचिबमा गणेश बेलबासे र कोषाध्यक्षमा राजन भट्टराई (राज)ले पदभार ग्रहण गरेका थिए।
कार्यक्रममा लायन्स स्टारका संस्थापक अध्यक्ष कृष्ण ज्ञवालीको प्रमुख अतिथ्यामा तथा लायन्स क्लब अफ सैनामैना मलमला २३/२४ का अध्यक्ष बिजय काफ्ले, युवराज कार्की लगायतको सहभागीता रहेको थियो।
कार्यक्रमको संचालन २२/२३ सचिव जीवन घिमिरेले गरेका थिए। नयाँ नेतुत्व चयन हुनासाथ लायन्स क्लब अफ सैनामैनाले बृक्षरोपण कार्यक्रम गर्ने जनाएको छ।
शनिवार बिहान १० बजे सैनामैना ७ को वडा कार्यलय परिसर लगायत विभिन्न ठाउँमा बृक्षरोपण गरिने क्लब का कोषाध्यक्ष राजन भट्टराईले जानकारी गराए।