आवर पीसल्याण्डमा रामायण वाचन प्रतियोगिता

बुटवल । बुटवल–७, शिवनगरस्थित आवर पीसल्याण्ड एकेडेमीमा २११ औँ भानु जयन्तीको अवसरमा रामायण वाचन प्रतियोगिता भएको छ ।

कक्षागत रूपमा विभिन्न तहमा विभाजन गरी सम्पन्न गरिएको उक्त प्रतियोगितामा कक्षा २– ६ सम्मका करीब १२५ विद्यार्थीहरुको सहभागिता रहेको प्रतियोगितामा कक्षा २–६ सम्मका क्रमशः सोरा चौधरी , कृष्टि श्रीस , निर्मला खनाल, आयान कोइराला , सुमिजन केसी र निरज चौधरीले प्रथम स्थान हासिल गरेका थिए ।

यसैगरी कक्षा ७–९ का विद्यार्थीबीच सम्पन्न रामायण वाचन प्रतियोगितामा क्रमशः प्रिन्सा पाण्डे, सृष्टि भण्डारी र प्रशंसा न्यौपाने प्रथम हुन सफल भएका थिए ।

किताबी ज्ञानका अतिरिक्त बालबालिकालाई साहित्य , खेलकुद लगायतका विभिन्न क्रियाकलापमा यथेष्ट रूपमा सहभागी गराउँदा बालबालिकाको अन्तरनिहित प्रतिभा उजागर हुने र यसले पढाइमा समेत अब्बल बनाउन ठूलो सहयोग पुग्ने हेतुले यसपटक पनि रामायण वाचन प्रतियोगिता सम्पन्न गरिएको विद्यालयकी प्रिन्सिपल गंगा भण्डारीले जानकारी दिइन् ।

कार्यक्रममा विद्यार्थी अनुष्का पोखरेल, शुसान्त परियार, डोल्मा गुरुङ्ग , प्रनिश न्यौपाने, मनिष राई स्मृति विक, कञ्चन श्रीस, शिक्षक द्वय नीता भण्डारी र सलीना पुन, विद्यार्थी मनित राना,अन्सुम भुषाल,जलन सारु, स्मिता केसी, आस्था बोटे, शिक्षक द्वय दिपा कार्की र नीता भण्डारीले आआफ्नो भूमिका निभाएका थिए ।

वक्तृत्वकला प्रतियोगितामा आवर पीसल्याण्डका सन्देश प्रथम
आवर पिसल्याण्डले गर्‍यो विद्यार्थी सम्मान