छिपागढ स्वास्थ्य चौकी नवनिर्मित भवनको उद्घाटन
0
0
बुटवल । रुपन्देहीको रोहिणी गाउँपालिका वडा नम्बर ४ स्थित कोटहवामा नवनिर्मित स्वास्थ्य चौकी भवनको उद्घाटन भएको छ । ५४ लाखको लागतमा निर्माण सम्पन्न भएको दुईतले स्वास्थ्य चौकी भवनको बुधबार गाउँपालिकाका अध्यक्ष विद्या प्रसाद यादवले उद्घाटन गरेका हुन् ।
Advertisement
सो अवसरमा बोल्दै गाउँपालिका अध्यक्ष यादवले जनतालाई नजिकबाट सेवा दिन जनप्रतिनिधि लागिपरेको बताए । उनले स्वास्थ्य, शिक्षा क्षेत्रको विकासका लागि अघि बढेको बताए । उनले भने, ‘रोहिणी गाउँपालिकामा सुविधासम्पन्न अस्पताल बनाउन लागिपरेका छौं ।’ उनले भौतिक संरचनासँगै सेवा पनि स्तरीय हुनुपर्नेमा जोड दिदै त्यसका लागि गाउँपालिकाको तर्फबाट सक्दो सहयोग गर्ने प्रतिवद्धता जनाए ।
images
त्यस्तै गाउँपालिकाका निवर्तमान अध्यक्ष सनोज कुमार यादवले आफ्नो कार्यकालमा स्वास्थ्य चौकी भवनको शिलान्यास भएको जानकारी दिदै समयमै सम्पन्न भएकोमा खुसी ब्यक्त गरे । उनले नागरिकले सर्वसुलभ स्वास्थ्य सेवा पाउनुपर्नेमा जोड दिए ।
गाउँपालिकाका प्रमुख प्रशासकीय अधिकृत श्री प्रसाद गौतमले स्वास्थ्य चौकी भवनले नागरिक स्वास्थ्य सेवाबाट लाभान्वित हुने विश्वास व्यक्त गरे ।
रोहिणी गाउँपालिका वडा नम्बर ४ का वडा अध्यक्ष तथा स्वास्थ्य चौकी व्यवस्थापन समितिका अध्यक्ष तारानाथ यादवको अध्यक्षता तथा स्वास्थ्य चौकी इञ्चार्ज बुद्धि प्रसाद पन्थको सञ्चालनमा भएको कार्यक्रममा गाउँपालिकाका प्रवक्ता तथा वडा नम्बर ३ का वडाअध्यक्ष वीर बहादुर क्षेत्री, वडा नम्बर २ का वडाअध्यक्ष करम हुसेन खान, वडा नम्बर ६ का वडाअध्यक्ष इन्द्रमान चौधरी, समाज सेवी सञ्जय गुप्ता, राजनीतिक दलका प्रतिनिधिलगायतको उपस्थिति रहेको थियो ।
प्रतिकृया दिनुहोस्
सम्बन्धित समाचार
- दसैंको मुखैमा बाढी पहिरोमा परी २ सय ४४ जनाको मृत्यु
- बुटवलको मुख्य बजार क्षेत्र अमरपथमा पस्यो लेदोसहितको भल
- आज बडादशैँको तेस्रो दिन : चन्द्रघण्टा देवीको पूजा-आराधना गरिँदै
- बुटवल अटो इन्जिनियरिङ एसोसिएसन रुपन्देहीद्वारा शुभकामना आदानप्रदान
- ईमेज सहकारीका संस्थापक अध्यक्ष देवकुमार कारागार चलान
- आजदेखि ३ दिन राष्ट्रिय शोक घोषणा, बिदा नहुने, झण्डा आधा झुकाइने
- देवकुमार नेपालीको बयान सकियो, भोलि थुनछेक बहस
- ९ वटा निर्णय गर्दै सकियो सर्वदलीय बैठक
- बाढी पहिराे अपडेट : मृत्यु हुनेको संख्या १०२ पुग्यो
- बाढी पहिरोको विपद बारे छलफल गर्न आज दिउँसो सर्वदलीय बैठक बस्दै
लेखकको सम्वन्धमा