संविधान दिवसमा पहिलो पाईला नेपाल बुटवल शाखाद्वारा दिप प्रज्वलन

बुटवल । संविधान दिवसको अवसरमा पहिलो पाईला नेपाल बुटवल शाखाले दिप प्रज्वलन कार्यक्रम सम्पन्न गरेको छ। कार्यक्रम बुटवल ९ तिनकुने मा दिप प्रज्वलन गरि सम्पन्न गरिएको हो।

पहिलो पाईला नेपाल बुटवल शाखा अध्यक्ष विनोद बस्यालको अध्यक्षतामा भएको कार्यक्रममा प्रमुख अतिथि बुटवल उपमहानगरपालिका वार्ड नम्बर ९ अध्यक्ष प्रदीप कुमार श्रेष्ठले संविधानको कार्यान्वयनका लागि सस्थाले गरेको सामाजिक कार्यको प्रशंसा गरे।

कार्यक्रममा पहिलो पाईला नेपालका केन्द्रिय सचिव तथा निवर्तमान अध्यक्ष पारस मरासिनी, पहिलो पाईला नेपाल बुटवल शाखा सल्लाहकार जीवन अधिकारी,लियो क्लब अफ मणिमुकुन्द अध्यक्ष रबिन बिक, निर्देशक सुरेश पोख्रेललगायतले संविधानका सकारात्मक पक्षको बारेमा बताएका थिए।

पहिलो पाईला नेपाल बुटवल शाखाका उपाध्यक्ष सन्तोष बन्जाडेको स्वागत, कार्यक्रम संयोजक रुद्र खनालको धन्यवाद ज्ञापन सचिव राजन अधिकारीको सञ्चालनमा कार्यक्रम सम्पन्न भएको हो।