गरिमा सहकारीद्धारा सुत्केरी खर्चलाई निरन्तरता

बुटवल । बुटवल उपमहानगरपालिका ९ मा रहेको गरिमा बचत तथा ऋण सहकारी संस्था लिमिटेडले सुत्केरी स्याहार खर्च कार्यक्रमलाई निरन्तरता दिएको छ ।सहकारीले आफ्ना महिला सदस्यहरु सुत्केरी हुँदा स्याहार खर्च बापतको रकम प्रदान गर्दै आएको छ ।
यसैबिचमा चालु आर्थिक वर्षमा सुत्केरी भएकाहरुलाई घरदैलोमै पुगेर सुत्केरी खर्च २ हजार रुपैयाँ प्रदान गर्दै आएको सहकारीका अध्यक्ष कृष्ण देबकोटाले जानकारी दिए ।
बुटवल सुख्खानगर निवासी सहकारी सदस्य सुत्केरी पूजा पन्थीलाई सुत्ेकरी खर्च बापतको रकम प्रदान गर्दै यस कार्यक्रमको शुभारम्भ गरिएको हो ।

उनले प्रत्येक वर्ष १५ जनाको हाराहारीमा सुत्केरी स्याहार खर्च प्रदान गरिँदै आएको अध्यक्ष देबकोटाले जानकारी दिए ।
अध्यक्ष देबकोटा सहित महिला उपसमिति संयोजक उषा भट्टराई, सञ्चालक समिति सदस्य कृष्ण प्रसाद भट्टराई, सहकारीका व्यवस्थापक कमला भुर्तेल सहितको टोलीले घरदैलोमा पुगेर रकम हस्तान्तरण गरिएको हो ।