खुद्रा किरानाको देउसी भैलो एवं शुभकामना आदानप्रदान

बुटवल । खुद्रा किराना व्यवसायी संघको आयोजनामा शुभ दीपावली, नेपाल सम्बत ११४४ एवं छठ पर्वको अवसरमा शुभकामना आदानप्रदान तथा देउसी भैलो कार्यक्रम २०८० सम्पन्न भएको छ । बुटवलमा रहेको लुम्बिनी फलफूल तरकारी थोक बजार केन्द्रमा कार्यक्रम आयोजना गरिएको हो । कार्यक्रमको उद्घाटन गर्दे बुटवल उपमहानगरपालिका उपप्रमुख सावित्रीदेवी अर्यालले तिहार पर्वले दाजुभाइ र दिदिबहिनिको सम्बन्धलाई बलियो बनाउने बताउँदै उज्यालो पर्वको रूपमा रहेको बताइन् । उनले बुटवलले यो वर्षलाई उज्यालो वर्षको रूपमा काम गरिरहेको बताउँदै सभ्य भएर पर्व मनाउन आग्रह गरिन् ।उनले आर्थिक मन्दीले सबैलाई समस्यामा परेको बताउँदै आफ्नो क्षमता अनुसार मात्रै कात्तिके दान दिन आग्रह गरिन् ।

कार्यक्रममा लुम्बिनी फलफूल तरकारी थोक व्यवसायी संघका राम प्रसाद भुसाल, संस्थाका अध्यक्ष मोहन बस्याल, संस्थापक अध्यक्ष टिकाराम गैरे, कार्यक्रम संयोजक महेन्द्र पोखरेल, पूर्व अध्यक्ष कमला गौतम,केशव कुँवर, सल्लाहकार कृष्ण प्रसाद पाण्डे, थानेश्वर अर्याल, शान्ति समाज रुपन्देही सभापति कृष्णप्रसाद भट्टराई, संघ महासचिव गोपाल प्रसाद श्रेष्ठ,थोक विक्रेता हरि पोख्रेल, लगायतले बोलेका थिए ।