add frist

गृहपृष्ठ नेपालमा थपिए अहिलेसम्मकै बढी कोरोना संक्रमित

नेपालमा थपिए अहिलेसम्मकै बढी कोरोना संक्रमित

नेपालमा पछिल्लो २४ घण्टामा हालसम्मकै सर्वाधिक संख्यामा कोरोना  संक्रमित थपिएका छन्। स्वास्थ्य तथा जनसंख्या मन्त्रालयका अनुसार शनिबार थप ५ हजार ८ जनामा कोरोना संक्रमण पुष्टि भएको हो ।

यस सँगै देशभर संक्रमितको संख्या १ लाख ५ हजार ६ सय ८४ पुगेको छ । देशभर ३० हजार ८ सय १८ जना सक्रिय संक्रमित रहेका छन्। पछिल्लो २४ घन्टामा १ हजार २ सय २९ संक्रमित डिस्चार्ज भएसँगै कोरोना संक्रमण मुक्त भएर घर फर्किनेको संख्या ७४ हजार २ सय ५२ पुगेको छ ।

हाल दैनिक थपिने संक्रमितहरु मध्ये अधिकांश काठमाडौं उपत्यकाका रहेको स्वास्थ्य मन्त्रालयले जनाएको छ। पछिल्लो २४ घन्टामा १९ हजार ३ सय २० जनाको पीसीआर परीक्षण गरीएकोमा काठमाडौं उपत्यकामा मात्र २ हजार ६ सय ७२ कोरोना संक्रमित थपिएको मन्त्रालयका प्रवक्ता डा जागेश्वर गौतमले जानकारी दिनुभयो ।

नेपालमा पछिल्लो २४ घण्टामा थप १४ जना कोरोना संक्रमितको मृत्यु भएको छ । स्याङजाका १, सुनसरीका १, मोरङका २, सर्लाहीका १, काठमाडौंका २, ललितपुरका २, भक्तपुरका १, मकवानपुरका १, धादिङका १, नवलपरासी पूर्वका १ र रुपेन्देहीका १ जनाको मृत्यु भएको हो ।

नेपालमा हालसम्म कोरोना संक्रमणका कारण मृत्यु हुनेको संख्या ६ सय १४ पुगेको छ ।

प्रतिक्रिया दिनुहोस्

सम्बन्धित शीर्षकहरु