add frist

गृहपृष्ठ सबै शक्ति एमालेविरुद्ध घेरावन्दी गर्नमा केन्द्रित : एमाले पोलिटब्यूरो सदस्य गिरी

सबै शक्ति एमालेविरुद्ध घेरावन्दी गर्नमा केन्द्रित : एमाले पोलिटब्यूरो सदस्य गिरी

बुटवल। एमाले पोलिटब्यूरो सदस्य लिला गिरीले मुलुकका सबै शक्ति एमालेविरुद्ध घेरावन्दी गर्नमा केन्द्रित रहेको आरोप लगाएका छन् ।

प्रेस चौतारी नेपाल रुपन्देहीद्वारा बिहीबार बुटवलमा आयोजित नयाँ कार्यसमितिको पदस्थापन तथा सम्मान कार्यक्रममा बोल्दै लुम्बिनी प्रदेशका पुर्वमन्त्री समेत रहेका गिरीले यस्तो बताएका हुन् ।

नेता गिरीले राजनीतिक आस्थाका आधारमा कलम चलाउने भन्दा पनि सही र रचनात्मक आलोचनामा केन्द्रित रहेर आफ्नो भूमिका निर्वाह गर्नुपर्नेमा जोड दिए ।

एमाले केन्द्रीय सदस्य तथा बुटवल उपमहानगरपालिकाका प्रमुख शिवराज सुवेदीले मुलुकको विषम परिस्थितिमा सञ्चारकर्मीहरुको काँधमा गहन जिम्मेवारी र दायित्व आएको बताउँदै राजनीतिलाई सही दिशामा अघि बढाउनेतर्फ भूमिका खेल्न आग्रह गरे ।

एमाले रुपन्देहीका अध्यक्ष तेजेन्द्र केसीले संगठनलाई एकतावद्ध बनाएर विद्यमान चुनौतीलाई आत्मसाथ गर्ने गरी अघि बढ्न प्रेस चौतारीको नयाँ कार्यसमितिलाई शुभकामना दिए ।

एमाले रुपन्देहीका प्रचार विभाग प्रमुख हितराज पन्थीले सञ्चारकर्मीहरुसँग पार्टीले सहकार्य गरी अघि बढ्ने बताउँदै जिम्मेवार भएर कलम चलाउन आग्रह गरे ।

त्यस अवसरमा प्रेस चौतारी नेपालका केन्द्रीय सचिव भरत केसी, पुर्व केन्द्रीय उपाध्यक्ष मोहन चापागाई, प्रेस स्वतन्त्रता सेनानी अर्जुन ज्ञवाली, प्रेस चौतारीका केन्द्रीय सदस्य दिनेश पाण्डे लगायतले पत्रकारहरुको व्यावसायिक दक्षता र क्षमताका लागि प्रशिक्षण आवश्यक रहेको भन्दै यसतर्फ भूमिका खेल्न आग्रह गरेका थिए ।

कार्यक्रममा नेपाल पत्रकार महासंघ रुपन्देहीका अध्यक्ष रामराज पोखरेल, उपाध्यक्ष अमृता अनमोल, प्रेस चौतारी रुपन्देहीका निवर्तमान जिल्ला अध्यक्ष अमृत गिरी, निर्वाचन समिति संयोजक कुलमणि ज्ञवाली, वर्तमान अध्यक्ष लक्ष्मण पौडेल, सचिव केशव भण्डारी, प्रेस युनियन रुपन्देहीका उपसभापति दिपक घिमिरे लगायतले पनि आ–आफ्नो धारणा राखेका थिए ।

कार्यक्रममा अध्यक्ष अमृत गिरीले नवनिर्वाचित अध्यक्ष लक्ष्मण पौडेललाई पदहस्तान्तरण गर्दै संगठनको माइन्यूट प्रदान गरेका थिए ।

त्यस अवसरमा प्रेस स्वतन्त्रता सेनानी अर्जुन ज्ञवाली र पत्रकार डिआर घिमिरेलाई अग्रज पत्रकारको रुपमा सम्मान गरिएको थियो ।

त्यस्तै पत्रकारहरु विरेन्द्र मिश्रा, कृष्ण मल्ल र अरुण ज्ञवालीलाई दुर्गा खनाल स्मृती पत्रकारिता पुरस्कार तथा दिनेश श्रेष्ठ, शशि पन्थी र विष्णु खत्रीलाई प्रेस चौतारी युवा प्रोत्साहन पत्रकारिता पुरस्कारबाट नगदसहित पुरस्कृत गरिएको थियो ।

त्यसैगरी पुर्व अध्यक्षहरु बद्रिनाथ पाण्डे, मोहन चापागाई, शेरबहादुर केसी, भरत केसी, दिनेश पाण्डे र प्रदिप आचार्यलाई पनि सम्मान गरिएको थियो ।

प्रतिक्रिया दिनुहोस्

सम्बन्धित शीर्षकहरु