रसुवा क्षेत्रमा ३८४ पर्यटक सम्पर्कविहीन

रसुवा बाढीपछि रसुवा आसपास क्षेत्रमा ३८४ पर्यटक सम्पर्कमा आउन सकेका छैनन् ।

नेपाल पर्यटन बोर्डका निमित्त प्रमुख कार्यकारी अधिकृत (सिइओ) हिक्मतसिंह ऐरका अनुसार उनीहरू सम्पर्क बाहिर छन् ।

खोज तलासीको काम भइरहेको छ । रसुवाका विभिन्न पर्यटकीय स्थलमा बाक्लो संख्यामा आन्तरिक तथा बाह्य पर्यटकहरू पुग्ने गर्छन् ।

विभिन्न ट्राभल एजेन्सीहरूबाट बोर्डले पर्यटकहरूको विवरण लिएको जनाएको छ ।

बोर्डको प्रारम्भिक तथ्यांक अनुसार २ सय ९१ विदेशी र ९३ आन्तरिक पर्यटक सम्पर्कमा आउन सकेका छैनन् ।