कुलमान घिसिङ र ज्ञानेन्द्र शाहीलाई ‘ग्लोबल हिरो अवार्ड’
0
0
न्युयोर्कमा आगामी जुलाई २७ मा सम्मान गरिने
काठमाडौं । यस वर्षको प्रतिष्ठित ग्लोबल हिरो अवार्ड नेपालका दुई विशिष्ट व्यक्तित्व—कुलमान घिसिङ र ज्ञानेन्द्र शाहीलाई प्रदान गरिने भएको छ। अमेरिकाको न्युयोर्कमा जुलाई २७ तारिखमा ग्लोबल नेपालीद्वारा आयोजित विशेष समारोहमा उनीहरूलाई सम्मान गरिनेछ ।
नेपाल विद्युत् प्राधिकरणका पूर्व कार्यकारी निर्देशक घिसिङले नेपालको ऊर्जा क्षेत्रमा क्रान्तिकारी सुधार ल्याएका थिए। उनको दृढ नेतृत्व, रणनीतिक सोच र कार्यक्षमताका कारण नेपालले दशकौँसम्म झेल्दै आएको लोडसेडिङको अन्त्य भएको हो । उनले देशलाई ‘अँध्यारोबाट उज्यालो’तर्फ डो¥याएपछि सर्वसाधारण जनताको मन जित्न सफल भएका छन् ।
त्यस्तै, सामाजिक अभियन्ता तथा युवा नेता ज्ञानेन्द्र शाही लामो समयदेखि भ्रष्टाचारविरुद्धको अभियानमा सक्रिय छन्। सुशासन, पारदर्शिता र जनहितका विषयमा स्पष्ट र निर्भीक धारणा राख्दै आएका शाही सामाजिक रुपान्तरणका लागि निरन्तर लागिरहेकै छन् ।
ग्लोबल नेपाली संस्थाले हरेक वर्ष विभिन्न क्षेत्रमा प्रेरणादायी योगदान पुर्याउने नेपालीहरूलाई सम्मान स्वरूप ग्लोबल हिरो अवार्ड प्रदान गर्दै आएको छ। यसपटक राष्ट्र निर्माण र जनसेवामा पुर्याएको विशिष्ट योगदानका लागि घिसिङ र शाहीलाई यो अवार्ड प्रदान गर्न लागिएको हो ।
समारोहमा विश्वभर रहेका नेपालीहरूको उल्लेखनीय सहभागिता रहने अपेक्षा गरिएको छ ।
- पार्टीका सबै कार्यक्रम रोकेर राहत र उद्धारमा केन्द्रित हुने कांग्रेसको निर्णय
- रसुवा बाढीमा ८ बैंकका २६ कर्मचारी सम्पर्कविहीन
- बेपत्ताको खोजी र उद्धारमा सम्पूर्ण शक्ति परिचालन गर्न चिनियाँ राष्ट्रपति सीको निर्देशन
- रसुवा क्षेत्रमा ३८४ पर्यटक सम्पर्कविहीन
- पत्रकार किशोर श्रेष्ठलाई रिहा गर्न सर्वोच्चको आदेश
- संसदमा उपस्थित भएर सांसदका प्रश्नको जवाफ दिन प्रधानमन्त्रीलाई सभामुखको निर्देशन
- भारतीय सेनाध्यक्षलाई राष्ट्रपतिवाट मानार्थ महारथीको दर्ज्यानी प्रदान
- मन्त्री र उच्च जनप्रतिनिधि आफ्नै क्षेत्रको सास्तीमा बेखबर: विजयपुर खोला र जीर्ण सडकको चपेटामा ढाँडबेसीबासी
- मधेश केन्द्रीत ७ दलहरुको अगुवाईमा ‘अग्रगामी मोर्चा’ को घोषणा, जनार्दन शर्माको प्रलोपा सामेल
- बुटवल लेडीज जेसीजले विभिन्न सप्ताहव्यापी कार्यक्रमगरी जेसीज सप्ताह-२०२६ मनाउँदै
प्रतिकृया दिनुहोस्