पोखरामा आगजनीग्रस्त घरभित्र महिलाको मृत फेला

पोखरा । पोखरामा मंगलबार भएको आगजनीपछि एक घरभित्र महिला मृत फेला परेकी छन् ।

मंगलबार दिउँसो प्रदर्शनकारीले गण्डकी प्रदेशका सामाजिक विकास, युवा तथा खेलकुदमन्त्री बिन्दुकुमार थापाको घर, होटेल र उनका भाई ध्रुव थापाको अटो स्वरुममा आगजनी गरेका थिए । सोही अटो स्वरुम रहेको घरभित्र महिला मृत अवस्थामा भेटिएको हो ।

प्रहरीले शव नियन्त्रणमा लिएर थप अनुसन्धान थालेको छ । स्थानीयका अनुसार मृतक महिला सोही घरमा काम गर्दै आएकी थिइन् ।