विश्वविद्यालयहरूले ३ महिनाभित्र नतिजा प्रकाशित नगरे अनुदान रोक्का

काठमाडौं । शिक्षा,विज्ञान तथा प्रविधिमन्त्री महावीर पुनले नतिजा प्रकाशन नगरेका विश्वविद्यालयहरुले ३ महिनाभित्र प्रकाशन नगरे अनुदान रोक्का गर्न निर्देशन दिएका छन् । उनले मंगलबार सामाजिक सञ्जाल फेसबुकमार्फत तीन बुँदे निर्देशन दिएका हुन् ।

‘केहि विश्वविद्यालयहरुले परीक्षा लिएर परीक्षाफल निकाल्न ८ महिनादेखि १ वर्ष सम्म लगाउँदा रहेछन् । विद्यार्थीहरूको लागि त्यो अपूरणीय क्षति हो ।’ उनले भनेका छन्, त्यसैले विश्वविद्यालयलाई बढीमा ३ महिना भित्र अनिवार्य रूपमा परीक्षाफल निकाल्न निर्देशन दिइएको छ । समयमा नै परीक्षाफल ननिकाल्ने विश्वविद्यालयहरुको अनुदान रोक्का गरिने छ ।’

यसैगरी त्रिभुवन विश्वविद्यालय कीर्तिपुरको हाता भित्र ठूलो क्षेत्रफलमा रहेको झाडी फाँडेर ९ठूला रुखहरू नकाट्ने० सफा गरी सुन्दर बगैँचा सहित फुटपाथ बनाएर विश्वविद्यालयलाई आकर्षक बनाउन निर्देशन दिएका छन् ।

शिक्षामन्त्री पुनले नेपालभरिका सामुदायिक माध्यमिक विद्यालयमा पढ्ने विद्यार्थीहरू कम्प्युटर शिक्षाबाट बञ्चित नहुन् भन्ने उद्देश्यले पठनपाठनको लागि हरेक विद्यालयमा एक जना कम्प्युटर शिक्षकको दरबन्दी अनिवार्य थप्नुपर्ने बताएका छन् ।