अपाङ्ग आश्रममा सहयोग

बुटवल । बुटवलको लुम्बिनी वाणिज्य कलेज मा  Bachelor Group 2019 मा अध्यापन गर्ने बिद्यार्थीहरुले बुटवल प्रगतिपथस्थित नेपाल अपाङ्ग आश्रममा आश्रितहरूका लागि नगद तथा खाद्यान्न सहयोग गरेका छन् ।
लुम्बिनी वाणिज्य कलेज मा  Bachelor Group 2019 मा अध्यापन गर्ने बिद्यार्थीहरुले नगद तथा खाद्यान्न संकलन गरेर आश्रमलाई हस्तान्तरण गरेको हो ।
हरेक मानवले समस्यामा परेका अरु मानवहरूलाई सहयोग र सेवा गर्नुपर्ने सोचका साथ आफूहरूले आश्रममा बसोबास गर्नु हुने दाजुभाइ तथा दिदीबहिनीहरूका लागि दुई महिनासम्म खान पुग्ने गरी चामल, दाल, तेल, रोटीका लागि पिठो, तरकारी लगायतका सामग्री संकलन गरेर सहयोग गरेको संयोजक गौरव गौतमले बताए ।
उनले सहयोग सानो देखिए पनि यहाँ बसोबास गर्नु हुने दाजुभाइ तथा दिदीबहिनीहरूको अनुहारमा देखिएको खुशीले हाम्रो मन भरिएको बताए । उनले यस्ता मानवीय कार्यक्रमहरूले अरूलाई पनि सहयोग गर्न प्रेरणा मिल्ने भएकाले थप सहयोग जुट्छ र त्यसबाट असहाय व्यक्तिहरूलाई ठूलो राहत पुग्ने बताए ।

उक्त सहयोग अभियानमा गौरव गौतम,कपिल पन्थ,कपिल आचार्य ,सन्तोष अर्याल ,गीता भण्डारी ,कृष्ण कार्की,कृष्ण तिमल्सिना ,आशा कुँवर ,सुरज चपागाईं ,सन्तोष न्यौपाने ,स्वेक्षा श्रेष्ठ ,बिना भण्डारी पाण्डे ,प्रबिन गौतम ,पिकनिक समूह ,अर्जुन थापा,बिमल पाण्डे,बिमल पोखरेल,सबिता भुसाल,प्रबिन चन्द्र पौडेल लगायत विभिन्न स्थानबाट सहयोग गर्नु हुने महानुभावहरूको उल्लेखनीय भूमिका रहेको छ ।