युवा बौद्ध संघको रक्तदान

पोखरा । २५६९ औं बुद्ध जयन्ती अवसरमा सप्ताहव्यापी कार्यक्रमअन्तर्गत युवा बौद्ध संघ, धर्मशीला बुद्ध विहारद्वारा नदीपुरमा बुधबार रक्तदान कार्यक्रम भयो । कार्यक्रममा ३२ युनिट रगत संकलन भएको थियो ।

कार्यक्रमको धर्मशिला बुद्ध विहारका प्रमुख भिक्षु धज्जवन्तो साथै बुद्ध जयन्ती समारोह समितिका अध्यक्ष टेकबहादुर तामाङले घेरुवामा दीप प्रज्वलन गरी उद्घाटन गरे ।

रेडक्रस सोसाइटी कास्की रक्तसञ्चार सेवा पोखराका प्रमुख अर्जुन ज्ञवालीले रक्तदानको महत्वबारे प्रकाश पारे ।

युवा बौद्ध संघका अध्यक्ष कमला थापाको अध्यक्षतामा भएकोमा कार्यक्रममा स्वागत रक्तदान कार्यक्रम संयोजक एवं संघ उपाध्यक्ष सुमन शाक्यले गरेका थिए । कार्यक्रम संघका सचिव आनन्द बज्राचार्यले संचालन गरे ।

सो अवसरमा रक्तदातालाई प्रशंसापत्र प्रदान गरिएको थियो । रक्तदान कार्यक्रमको प्रायोजन इच्छाशक्ति अटोमोबाइल्स प्रालिले गरेको थियो ।