अमलाचौर चाँपडाँडा टोल विकास संस्थामा नयाँ समिति गठन

पोखरा । पोखरा महानगरपालिका वडा नं. १३ अन्तर्गत अमलाचौर चाँपडाँडा टोलमा लामो समयदेखि रिक्त रहेको टोल सुधार समितिलाई पूर्णता दिँदै नयाँ कार्यसमिति गठन गरिएको छ । वैशाख १२ गते सम्पन्न आम भेलाले वैशाख १९ गतेदेखि लागू हुने गरी नयाँ समिति चयन गरेको हो । नवगठित समितिको अध्यक्षमा लक्ष्मण प्रसाद बराल चयन भएका छन् ।
समितिको उपाध्यक्षमा रिता बराल, सचिवमा तोरण बहादुर बि.क., सहसचिवमा ऋषिराम पराजुली र कोषाध्यक्षमा अमृत परियार चयन भएका छन्। सदस्यहरूमा सुर्य परियार, लक्ष्मी देवकोटा, शारदा बराल सिग्देल र रोशन राज बराल रहेका छन् ।
त्यसैगरी सल्लाहकारमा टेकनाथ बराल, हरि बहादुर बराल, इन्द्रराज बराल, विष्णु अधिकारी र हरिभक्त बराल चयन भएका छन् ।
नवगठित समितिले टोलको समग्र विकास गर्दै नमुना टोल निर्माण गर्ने लक्ष्य लिएको जनाएको छ ।