रास्वपाको केन्द्रीय सदस्यमा निर्वाचित ९९ उम्मेदवार (सूचीसहित)

काठमाडौं । राष्ट्रिय स्वतन्त्र पार्टी (रास्वपा)ले पहिलो महाधिवेशनअन्तर्गत निर्वाचित ९९ केन्द्रीय सदस्यको अन्तिम मतपरिणाम सार्वजनिक गरेको छ । निर्वाचन आयोगले सबै निर्वाचित उम्मेदवारको नामावली र प्राप्त मतसहितको अन्तिम नतिजा शुक्रबार सार्वजनिक गरेको हो ।

मतपरिणामअनुसार डा. स्वर्णिम वाग्ले सबैभन्दा बढी मत प्राप्त गर्दै केन्द्रीय सदस्यमा निर्वाचित भएका छन् । उनले प्रत्यक्ष तथा प्रवासबाट गरिएको विद्युतीय मतदानसहित कुल २ हजार ६५६ मत प्राप्त गरेका छन् ।

रास्वपाको पहिलो महाधिवेशन आइतबारदेखि जारी रहेको छ । आन्तरिक व्यवस्थापन र निर्वाचन प्रक्रियामा भएको ढिलाइका कारण तीन दिनमा सक्ने लक्ष्य राखिएको महाधिवेशन लम्बिँदै गएको हो ।

केन्द्रीय सदस्यको निर्वाचन सम्पन्न भएसँगै अब पार्टीका पदाधिकारी चयनको प्रक्रिया अघि बढ्ने रास्वपाले जनाएको छ ।