प्रदेश मन्त्री चयनका विरुद्ध कांग्रेस लुम्बिनीका सभापति पुनले दिए यथोचित निर्णयमा पुग्ने चेतावनी
0
0
बुटवल । लुम्बिनी प्रदेश सरकारको मन्त्रिपरिषद गठन प्रक्रिया विरुद्ध एमाले प्रदेश संसदीयदलका नेता लिला गिरीको राजीनामा आएसँगै मन्त्री चयन प्रति कांग्रेसमा पनि विरोधका स्वर आउन थालेका छन् । प्रदेशको मुख्यमन्त्री चयनमा संसदीय पद्धती उल्लंघन भएको भन्दै गिरीले राजीनामा दिएसँगै कांग्रेसको प्रदेश सभापति अमरसिंह पुनले पनि प्रदेश समितिसँग समन्वय नै नगरि पार्टी केन्द्रले निरंकुशता लादेको बताएका छन् ।
Advertisement
प्रदेश सभापति पुनले पार्टी सभापति शेर बहादुर देउवालाई ध्यानाकर्षण पत्र पठाउँदै संघीयता एवं समावेशिताको मर्म र पार्टीको विधान (नेपाली कांग्रेसको संशोधित विधान, २०१७ को परिच्छेद ४ दफा १३ को ७(ठ)) अनुसार प्रदेश पार्टीको अन्तरसम्वन्ध, अन्तरसमन्वय र सहअस्तित्वमा सरकार गठन गर्नुपर्ने प्रावधानलाई कुल्चिएको बताएका छन् ।
उनले नेपाली जनतामा सघीयता र प्रदेश संरचनाप्रती वितृष्णा पैदा भैरहेको बेला नेपाली कांग्रेसका आम साथीहरूको भावना विपरित मनत्री चयनमा गरिएको निरङ्कुश कार्यशैलीले पार्टीको प्रदेश संरचना कमजोर बन्ने ठहर गरेको ध्यानकार्षण पत्रमा उल्लेख गरेका छन् ।
पत्रमा मनत्री चयनको निर्णयलाई पुनर्विचार गर्न नेपाली कांग्रेस केन्द्रीय नेतृत्वलाई आग्रह गर्दै अन्यया वैधानिक प्रकृया बिरुद्ध गरिएको यस कार्यबाट असन्तुष्ट जिल्लाका साथीहरूसँग बृहत् छलफल गरी यथोचित निर्णयमा पुग्न बाध्य हुने चेतावनी समेत पुनले दिएका छन् ।
प्रदेश सरकारमा मन्त्री चयनका लागि कांग्रेस संसदीय दलका नेता डिल्लीबहादुर चौधरी प्रदेश समितिका पदाधिकारीलाई बेवास्ता गर्दै काठमाडौं गएर मन्त्रीहरुको नाम टुंगो लगाएको प्रदेशका नेताहरुको आरोप छ ।
- अर्जेन्टिनालाई हराउँदै स्पेनले जित्यो फिफा विश्वकप-२०२६ उपाधि
- संविधान संशोधनमा सुशासन, सङ्घीयता र समावेशी प्रतिनिधित्व कांग्रेसको प्राथमिकता : गगन थापा
- इंग्ल्यान्डमाथि पुनरागमन जित निकाल्दै अर्जेन्टिना फाइनलमा प्रवेश
- फिफा विश्वकपको सेमिफाइनलमा आज इंग्ल्यान्ड-अर्जेन्टिना भिड्दै, मेसी र बेलिङ्घममाथि खेलप्रेमीको विशेष ध्यान
- ६ लाख घुस रकमसहित इन्जिनियर पक्राउ
- बुटवलबाट ६ लाख २२ हजार नक्कली नेपाली रुपैयाँ र मेसिन सहित ६ जना पक्राउ
- फिफा विश्वकप फुटबल २०२६ को क्वार्टरफाइनल समीकरण पूरा
- अर्जेन्टिना क्वार्टरफाइनलमा प्रवेश
- पोर्चुगललाई हराउँदै स्पेन क्वार्टरफाइनलमा प्रवेश
- हल्यान्डको सनसनीपूर्ण प्रदर्शनमा नर्वेसँग पराजित हुँदै ब्राजिल विश्वकपबाट बाहिरियो
प्रतिकृया दिनुहोस्