कक्षा १२ को नतिजामा व्यवस्थापनमा नेपाल प्रथम भएको अक्सफोर्डको दाबी, १ सय बढिको ए प्लस

बुटवल । बुटवलको अक्सफोर्ड माविले भ्रखरै मात्रै प्रकाशित कक्षा १२ को नतिजामा व्यवस्थापन सङ्कायबाट नेपाल प्रथम बनेको दाबी गरेको छ ।
 
बुटवल उपमहानगरपालिका वडा नम्बर  ८ मा रहेको अक्सफोर्ड माविमा कक्षा १२ को नतिजामा उत्कृष्ट नतिजा आएको दाबी गर्दै व्यवस्थापन सङ्कायमा नेपाल प्रथम बनेको प्राचार्य दिनेश भुसालले दाबी गरे ।

यस वर्ष विद्यालयबाट कक्षा १२ को परीक्षामा सहभागी ७८६ विद्यार्थीहरू मध्य ७३५ जना बिद्यार्थीहरु उत्तिर्ण भएको भुसालले जानकारी दिए । 

उनका अनुसार व्यवस्थापन सङ्कायबाट नेपाल प्रथम भएकी रक्षा भण्डारीले ३.९५ जिपिए अर्थात् ग्रेड ए प्लस ल्याएको बताए । उनका अनुसार विद्यालयबाट ए प्लस ल्याउने विद्यार्थीको सङ्ख्या १ सय २ जना रहेका छन् भने अन्यले ए र बि प्लस ल्याएका छन् भने त्यो भन्दा तल ल्याउने विद्यार्थी छैनन् । 

प्राध्यापक सुमन भुसालले विज्ञान सङ्कायमा सागर पोखरेलको सबैभन्दा धेरै ३.९१ जिपिए ल्याएको बताउँदै अन्य १९ जना बिद्यार्थीहरुको ३.८१ देखी २.८६ जिपिए ल्याएको बताए ।