श्रृङ्गेश्वर धाममा पुजा आरधना गर्न आउने भक्तजनका लागि फलफुल जुस वितरण

बुटवलमा । रोट्रयाक क्लव अफ लुम्बिनी स्टारले श्रृङ्गेश्वर धाममा पुजा आरधना गर्न आउने भक्तजनका लागी फलफुल जुस वितरण तथा मन्दिर सरसफाई कार्र्यक्रम गरेको छ ।

क्लवले रुपन्देहीको तिलोत्तमा नगरपालीका वडा नम्बर ४ मा अवस्थित श्री श्रृङ्गेश्वर धाममा फलफुल, जुस वितरणका साथै मन्दिर सरसफाई कार्यक्रम गरेको हो ।

सामाजीक उत्तरदायीत्व अन्र्तगत आज साउने सोमबारको तेस्रो दिन मन्दिरमा आउने भक्तजनहरुको सुविधाको लागी फलफुल तथा पानी वितरण कार्यक्रमको आयोजना गरिएको क्ल्वका कोषाध्यक्ष लक्ष्मण चौधरीले बताए ।

मन्दिर परिषरमा भक्तजनलाई विभिन्न सामाग्री वितरण सँगै क्लवले मन्दिर परिसर वरपर सरसफाई समेत गरेको छ ।

बिशेषत साउन महिनाको सोमबार शिव मन्दिरहरुमा दर्शनार्थीको भिड लाग्ने गर्दछ । साउन महिनाको गर्मि सँगै मन्दिरको दर्शन गर्न लाइन लागेर बसेका दर्शनार्थीको सुविधाको लागी क्लव सामाग्री वितरण गरेको क्लवका प्रसिडेन्ट इलेक्ट गौरव पाण्डेले बताए ।

उनले क्लवले यस बर्ष देखी निरन्तर हरेक बर्ष रुपन्देहीमा रहेका विभिन्न सिद्ध पिठहरुमा फलफुल तथा जुस वितरण साथै सरसफाई कार्यक्रमलाई निरन्तरता दिने उनले बताए ।

फलफुल तथा जुस वितरण कार्यक्रममा रोट्रयाक डिष्ट्रिक डिआरआर बिक्रम क्षेत्री, पुर्व अध्यक्ष जया भण्डारी, योगेन्द्र कडेल लगायतले बोल्दै क्लवले आगामी दिनमा पनि यस्ता कार्यक्रमलाई थप प्रभावकारी रुपमा निरन्तरता दिन आग्रह गर्नू भयो ।