भीषण वर्षाका कारण देशभर बाढीपहिरोले ९ जनाको मृत्यु, ६ बेपत्ता

पोखरा । केही दिनदेखि अविरल वर्षाका कारण देशभर बाढीपहिरोका घटना आएका छन् । जसमा हालसम्म ९ जनाको मृत्यु भएको सशस्त्र प्रहरी नेपालले जनाएको छ । त्यस्तै ६ जना बेपत्ता छन् ।

हालसम्म पाँचथरमा दुई, धनकुटामा २, झापामा १, ललितपुरमा १ र काभ्रेमा ३ जनाको मृत्यु भएको हो ।

बेपत्ता हुने ६ जनामा धनकुटा र ललितपुरमा २–२ काठमाडौँ र धादिङमा १–१ जना छन् । हालसम्म १ सय ६२ घरमा क्षति भएको छ । देशभर ६ सय १९ जनाको उद्धार गरिएको छ ।