केपीलाई ईश्वरको प्रष्ट सन्देशः ‘विभाजन स्वीकार्य छैन, आत्मसमर्पण पनि हुँदैन’
- सत्यदीप सन्देश संवाददाता
- पुस ५, २०८२
- 349 Shares
काठमाडौं । नेकपा (एमाले) का नेता ईश्वर पोखरेलले पार्टीभित्र विभाजन अस्वीकार्य रहेको तर आत्मसमर्पण गर्न आफूहरू तयार नभएको स्पष्ट पारेका छन् ।
एमालेको एघारौँ महाधिवेशनपछि शनिबार आफ्नो पक्षका नेता तथा कार्यकर्तालाई सम्बोधन गर्दै पोखरेलले पार्टी अध्यक्ष केपी शर्मा ओलीका पछिल्ला अभिव्यक्तिप्रति असन्तुष्टि जनाए । अध्यक्ष ओलीले आफू नै एमाले भएको जस्तो अर्थ लाग्ने अभिव्यक्ति दिनु उपयुक्त नभएको उनको टिप्पणी थियो ।
अध्यक्ष ओलीप्रति प्रश्न उठाउँदै पोखरेलले भने, “म जे बोल्छु, त्यहीँ एमाले हो भन्ने कुरा सुन्दा नै आङ सिरिङ हुन्छ। म नभए एमाले नै हुँदैन भन्ने भनाइ कसरी सही हुन सक्छ ?”
उनले पार्टीलाई एकताबद्ध बनाएर अघि बढाउनु आजको आवश्यकता भएको बताए । “हामी विभाजनलाई अस्वीकार गर्छौं, तर आत्मसमर्पण स्वीकार्य छैन,” पोखरेलले स्पष्ट गरे ।
नेतृत्वले आफ्ना कमजोरी स्वीकार नगरे कम्युनिस्ट आन्दोलन नै धरापमा पर्ने चेतावनी पनि उनले दिए । “आफ्ना कमजोरी आत्मसमीक्षा नगरे कम्युनिस्ट पार्टी नै सकिन्छ,” उनको भनाइ थियो ।
पोखरेलले पार्टीभित्र विचार र विधिको संघर्ष अझै जारी रहेको बताए। एघारौँ महाधिवेशनमा आफूले गरेको प्रतिस्पर्धालाई संकेत गर्दै उनले भने, “यो सुरुवात मात्र हो । अब यो प्रक्रिया निरन्तर अघि बढ्छ । विचार र विधिको लडाइँ जारी नै रहनेछ ।”
प्रतिकृया दिनुहोस्
- प्रधानमन्त्री शाह र भारतीय विदेशमन्त्री जयशंकरबीच २५ मिनेट वार्ता
- तेस्रो प्रयासमा सुदूरपश्चिम रोयल्स बन्यो एनपीएल च्याम्पियन, फाइनलमा जर्ज मन्सेको शतक
- भोटेकोशी/त्रिशूली बाढी पीडितलाई सार्वजनिक नभए निजी जग्गा किनेर दिनुपर्छ : गगन थापा
- प्रधानमन्त्री बालेनलाई भेट्न होटल ताज महल पुगे भारतीय विदेशमन्त्री जयशंकर
- प्रधानमन्त्री शाह नयाँदिल्लीमा, राज्यमन्त्री जितिनद्वारा स्वागत
- शान्ति प्रक्रियाका बाँकी काम अविलम्ब पूरा गर्न प्रचण्डको आग्रह
- माध्यमिक तहमा आलोचनात्मक चिन्तन विधि र शिक्षणको महत्व
- मकवानपुरको भीमफेदीमा सुमो दुर्घटना : तीन जनाको मृत्यु, सात जना घाइते
- पर्यटकीय राजधानी पोखरामा धुमधामका साथ मनाइयो छठ पर्व
- कास्कीका पर्यटकीय गाउँमा आन्तरिक तथा बाह्य पाहुनाको लर्को, होटल र होमस्टे भरिभराउ
-
माध्यमिक तहमा आलोचनात्मक चिन्तन विधि र शिक्षणको महत्व
मंसिर ६, २०८३ -
पर्यटकीय राजधानी पोखरामा धुमधामका साथ मनाइयो छठ पर्व
मंसिर १, २०८३

लेखकको सम्वन्धमा