पहिलो पाईला नेपाल बुटवलको चौथो अधिवेशन सम्पन्न

बुटवल । सामाजिक कामगर्दैआएको पहिलो पाईला नेपाल बुटवलले आफ्नो चौथो अधिवेशन एवं पदहस्तान्तरण कार्यक्रम सम्पन्न भएको छ ।

बुटवल शाखा अध्यक्ष बिनोद बस्यालको अध्यक्षतामा भएको कार्यक्रममा बरिष्ठ पत्रकार एवं हिमालय टेलिभिजनका समाचार प्रमुख तथा चर्चित कार्यक्रम यक्ष प्रश्नका सञ्चालक राजेन्द्र बानियाको प्रमुख आतिथ्यतामा भएको थियो ।

कार्यक्रममा बोल्दै प्रमुख अतिथि बानियाले युवाहरुको सामाजिक कार्यप्रतिको रुचिको प्रसंसा गर्दै आफुलाई बुटवल बोलाएकोमा धन्यवाद ब्यक्त गरे । उनले नेपालमा रहेका युवाहरुलाई स्वदेशमानै राख्नेगरि युवास्तरबाट नै पहल हुन आवश्यक रहेकोमा जोड दिएका थिए ।

कार्यक्रममा संस्थाका सल्लाहकारहरु, पूर्व अध्यक्षहरु लगायतले बोलेका थिए भने बिभिन्न क्षेत्रबाट समाजमा योगदान गर्दै आईरहेका ब्यक्तिहरुको सहभागिता रहेको थियो ।

अधिवेशनको अवसरमा अध्यक्ष, सचिव तथा कोषाध्यक्षको प्रतिवेदन पेस गरिएको थियो ।