अटो इन्जिनियरिङ ब्यवसायीलाई कर अभिमुखिकरण

बुटवल । बुटवल अटो इन्जिनियरिङ एशोसियसन रुपन्देही लुम्बिनीको अयोजनामा कर सम्बन्धि अभिमुखिकरण सम्पन्न भएको छ। बुटवल २ मैनाबगरमा रहेको एसोसिएसनको सभाहलमा एशोसियसनका सदस्य ब्यवसायीहरुलाई अभिमुखिकरण गरिएको हो ।

अभिमुखिकरणमा बोल्दै नेपाल अटो मेकानिक्स ब्यवसायी महासङका केन्द्रिय अध्यक्ष जनार्धन गैरेले महासंघले ब्यवसायीक हक हितमा रहेर काम गर्दै आएको जानकारी गराए ।

उनले ब्यवसायीहरु धेरैले आफ्नो ब्यवसायमा केन्द्रित रहदा अन्य कुराहरु जानकारी नहुने अवस्थामा एशोसियसनले करको क्षेत्रमा भएका परिवर्तन सहित अभिमुखिकरण गरेको भन्दै प्रसंशा गरे ।

कार्यक्रममा आन्तरिक राजस्व कार्यालय बुटवल कर अधिकृत भविश्वर पोख्रेलले फेरिएको बिल बिजक, परिवर्तित नियमहरु तथा ब्यवसायीले पाउन सक्ने राहतको ब्यवस्था लगायतको बारेमा प्रशिक्षण दिएका थिए ।

राजस्व अनुसन्धान कार्यालय प्रशिक्षक दिपेन्द्र श्रेष्ठले कर तथा राजश्वको बारेमा प्रशिक्षण गरेका थिए ।

बुटवल अटो इन्जिनियरिङ एशोसियसन रुपन्देही लुम्बिनीका अध्यक्ष प्रेम गौचनले ब्यवसायीहरुमा परिवर्तन भएको करको नीति तथा लेखा ब्यवस्थापनमा सहयोग पुग्ने विश्वास सहित अभिमुखिकरण कार्यक्रम आयोजना गरिएको जानकारी दिए ।

बाणिज्य उपाध्यक्ष बाबुराम आचार्यको स्वागत तथा सचिव मनिष पाण्डेको सञ्चालनमा कार्यक्रम सम्पन्न भएको थियो ।अभिमुखिकरणमा करिब २ सय ब्यवसायी सहभागी रहेका थिए ।